Plantun de Prouvènço

Pèr coumpara dos planto d'encò nostre

Astragalus stella & Lilium martagon

Astragalus stella

Fabaceae Leguminosae

Noms en français : Astragale en étoile, Astragale à gousses en étoile.

Descripcioun :
Lou cese-fèr-estela trachis dins li tepiero de Prouvènço secarouso. Es uno planto di proun peludo que se recounèis à si grapo de flour vióuleto pulèu pichoto (5 à 11 mm) groupado sus un long pecou tant long o pu long que la fueio d'à coustat. Segur qu'en fru, èi pas poussible de s'engana que li dòusso s'escarton coume d'estello.

Usanço :
Avèn ges d'entresigne segur sus aquelo planto. Pamens fau saupre que d'ùni cese-fèr (gènre Astragalus e Oxytropis) soun empouisounant (dounon de proublèmo néuroulougi).

Port : Erbo
Taio : 5 à 25 cm
Fueio : coumpausado
Tipe bioulougico : Teroufite
Cicle bioulougico : Planto de l'an

Gènre : Astragalus
Famiho : Fabaceae
Famiho classico : Leguminosae

Ordre : Fabales

Coulour de la flour : Vióuleto
Petalo : irreguliero
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : 0 à 800 m
Aparado : Noun

Liò : Tepiero seco
Estànci : Mesoumediterran à Subremediterran
Couroulougi : Pancaro entresigna
Ref. sc. : Astragalus stella Gouan, 1773

Martagoun

Lilium martagon

Liliaceae

Noms en français : Lis martagon, Racine d'Or.

Descripcioun :
Tras que poulido planto de nòsti mountagno que pòu flouri fin qu'à mai de 2500m d'auturo. Se recounèis evidentamen à si gròssi flour roujo picoutado e à si fueio verticilado pèr 5 e mai.

Usanço :
La cabosso èro manjado li tèms de carestié. A l'ouro d'aro soun li senglié que se n'en cargon alor que li cabróu esbrouton li fueio. Lou martagoun èi vertuous contro lou mau d'os, es un remoulissènt di car. Evidentamen lou fau pas acampa qu'es uno planto urousamen proutegido.